ORASAUN BA SAUN TARSÍZIU (Benvindu & Despedida illas SAUN TARSÍZIU)



Orasaun simu Illas Saun Tarsíziu
Benvindu Saun Tarsíziu, ba ita-boot nia mai iha ami-nia komunidade ida-ne’e. Ami agradese ita-boot tanba ita mai atu horik ho ami iha ami-nia fatin ida-ne’e no haree ami-nia kondisaun no situasaun sira nu'udar ema kristaun. Ita-boot lori Maromak nia imajen mai ami, atu ami kuidadu imajen ida-ne’e iha ami-nia fuan laran nu’udar ita-boot kuidadu Santísimu Sakramentu iha ita-nia fuan ne’ebé moos no santu. Harohan mai ami Saun Tarsíziu! Husu Maromak nia grasa mai ami! Atu ami bele moris hodi esperiensia Maromak nia domin verdadeiru iha ami-nia viajen tomak nu'udar misionáriu Santísimu Sakramentu loron-loron. Tulun ami Saun Tarsíziu! Atu ami nafatin besik Jezús iha sakramentu Eukarístia hodi adora Nia nu’udar ami-nia Maromak no ami-nia Salvadór bainhira ami simu Nia iha ami-nia fuan. Tulun ami, atu ami bele haree ema hotu nu’udar Jezús nia Illas, iha-ne’ebé husu ami atu kuidadu Illas Santa ida-ne’e ho brani atu kuidadu hanesan ita-boot kuidadu. Saun Tarsíziu harohan mai ami! Atu ami hotu moris iha paz no iha Jezús Kristu ne’ebé hela iha Sakrariu Santa no hela iha ema ida-idak nia fuan. Tulun ami sai ida de’it iha Jezús! Halo ami atu konxiénte ho fuan moos Maromak nia domin, bainhira ami bá hakbesik hodi simu Jezús iha Eukarístia. Amen.


Ami Aman
Ave Maria 3x
Glória

Orasaun despedida ba Illas Saun Tarsíziu
Saun Tarsíziu, Maromak haraik ita-boot mai ami, liuliu ba ami-nia komunidade ida-ne’e hodi hanorin ami hadomi Jezús iha Santísimu Sakramentu. Ami agradese ita-boot, ba ita-nia vizita durante hamutuk ho ami. Ita-boot hanorin ami atu brani sai martíriu hodi defende Jezús iha ami-nia fuan no iha ema hotu nia an nu’udar illas Santísima Trindade nian. Tulun ami nafatin atu kontinua moris iha mortifikasaun ki’ik ne’ebé ami halo ba ema hotu nia salvasaun, liuliu bainhira ami hakbesik no simu Jezús iha Sakramentu Eukarístia. Tulun ami-nia joven no labarik sira, atu sira imita tuir ita-boot ne’ebé brani defende Jezús liuliu iha Eukarístia ho fuan ne’ebé moos no santu. Obrigadu dala ida tan no ba nafatin, ita-nia prezensa iha ami leet. Saun Tarsíziu harohan nafatin mai ami. Amen.
Ami Aman
Ave Maria 3x
Glória

 Prepara husi Crisogno Soares Freitas Pereira

Comments

Post a Comment

Popular posts from this blog

Orasaun Rozariu Familia nian

Image
Hodi Padre, Hodi Fillu, Hodi Espíritu Santu nia naran. Amen. Hanoin buka sala hotu-hotu….!!! Ita reza hamutuk: Nai, Ha’u nia Maromak, ha’u tau konfiansa tomak iha Ita domin ne’ebé nakonu ho perdaun, husik ha’u-nia fuan haksolok iha Ita-Boot nia ajuda salvasaun. Amen. Intensaun: Segunda : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik mai ita família ki’ik ida-ne’e saúde di’ak isin no klamar no hasai ita hosi ‘moras ta’uk’, nune’e mós ba maun-alin no feto-nan sira hotu nia intensaun. Tersa : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, atu nafatin proteze ita-nia ‘uma’, rain ne’ebé pertense ba ita família ida-ne’e, no mós ba ita-nia jerasaun hosi buat aat hotu, sala, ódiu, figansa no segesaun, no hosi espíritu-aat no ema-aat sira no hosi ai-moruk-aat sira hotu. Kuarta
Read more

ORASAUN BAINHIRA IHA SITUASAUN DIFISIL

Image
NOVENA BA NA'I JEZÚS NIA FUTAR FUAN SANTU (Novena ne'e reza iha oras ne'ebé tenke hanesan durante loron sia nia laran) + Hodi Padre, hodi Filho, hodi Espíritu Santu sira naran, Amen. ORASAUN HAHÚ Ami Aman Ami Aman be iha lalehan, halo ami hahí-hanai Ita naran, halo Ita-nia Reinu to'o mai ami, Ita-nia hakarak halo tuir ba iha rai nu'udar iha lalehan. Ohin ne'e haraik ai-hán lor-loron nian mai ami, haraik perdaun ba ami salan nu'udar ami perdua ema halo aat ami, la bele husik ami monu ba tentasaun, maibé hasai ami hosi aat, Amen. Ave Maria... Gloria... ITA HAROHAN Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó." Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e .....  ( Temi pedidu ne'ebé ó iha ) Oh... Na
Read more

BIBLIA (SAGRADA ESKRITURA)

Image
Introdusaun Iha artigu, ita sei aprende lia-loos sira ne’ebé ajuda ita atu sai ema Kristaun kuandu ita fiar nia. Lia-loos sira ne’e mós sei ajuda ita atu moris iha moris Kristaun kuandu ita ema ida ne’ebé fiar ona. Objetivu hosi lisaun ida ne’e mak atu ajuda ita moris iha koñesementu kona-ba Maromak nia liafuan. Lisaun dahuluk hosi enkontru semana sanolu resin tolu mak koñesementu kona-ba Bíblia jeralmente no oinsá ita bele hetan Bíblia ne’e rasik, nune’e mós tanba sá ita presiza estuda Bíblia. Iha parte seluk mós ita sei diskute kona-ba lia-loos hosi Bíblia ne’e rasik no ba sé Bíblia ne’e eziste. 1.       Saida mak “Bíblia”? Bíblia mak livru sagradu Kristaun Katólika sira nian. Dala ruma Bíblia ne’e mós hanaran Evanjellu, maski lo-loos ne’e termu Evanjellu só refere de’it ba evanjelista nain haat (Mateus, Markus, Lukas no João) hosi livru 73, ne’e mak livru haat primeiru hosi testamentu foun. Bíblia Igreija Katólika kompostu hosi livru 73, ne’e mak testame
Read more