Konsellu ba Prostituisaun/moris sala-foer/impureza (Apóstolu Saun Paulu nia surat I ba Sarani sira iha Korintu 6:12-20)
Introdusaun Iha moris sosiedade ohin loron ( inklui Timor-Leste ), sala prostituisaun mak sala ne’ebé dala-barak mosu iha sosiedade ohin loron. Kestaun ne’e loos duni nu’udar kestaun ida ne’ebé interesante, tanba era agora sei hanesan ho era iha sékulu primeiru, iha ne’ebé Apóstolu Paulu mós hasoru situasaun be hanesan iha moris sosiedade Korintu. Istória ema nian ne’ebé liu ona tinan 2000 depoizde era Jezús nian, hatudu katak sidauk bele sai no ses hosi sala ida ne’e. Mai ita haree hamutuk, saida loos mak Maromak nia liafuan hanorin mai ita kona-ba ne’e. Tuir mai ne’e mak observasaun ne’ebé foti hosi rekursu prinsipál hosi esplikasaun The Navaree Bible , kona-ba surat primeiru Saun Paulo nian ba sarani sira iha Korintu (1Korintu 6:12-20). Kontekstualizasaun Iha versíkulu ne’e, Apóstolu Paulu esplika kona-ba sala prostituisaun ka impureza ne’e todan. Krizi morál be akontese iha sosiedade molok Kristu nia mai (haree Roma 1:18-22) rezulta ona nasaun Pagaun balun la...