Santu António de Padua
Loron 13 Juñu, tinan-tinan selebra festa Santu António hosi Padua. Maski espesialmente iha Vila Salazar – Vila Antiga Baucau no jeralmente iha Timor-Leste, ladún selebra ho festa boot maibé iha Nasaun seluk liu-liu Portugal selebra festa ne’e ho selebrasaun ne’ebé boot. Iha hakerek ne’e hakarak reflete istória moris Santu António ne’ebé hatán Maromak nia bolu no ninia papél ba igreja, tanba nia santu ida ne’ebé mós ho títulu Doutór Igreja Modernu ne’ebé fó kontribuisaun barak hanoin filozófiku no teolójiku iha Igreja Katólika. Ita presiza hatene katak António hosi Padua la’ós nia naran no orijen lo-loos. Nia aman Martins Vicente Bulhão no inan Teresa Pais Taveira fó naran ba nia mak Fernando Martins bainhira nia moris iha loron 15 Agustu 1195. Nia família prepara edukasaun ne’ebé di’ak liu ba nia iha eskola lokál maibé António rejeita no tama filafali iha konventu Santo Agostinho iha Lizboa no sai membru kongregasaun Santo Agostinho ne’ebé famozu ho obra edukasaun. Ni...