15 Novembru Santo Alberto Magno
Alberto moris iha sékulu XIII. Nia moris iha Lauingen Bavaria Alemña. Alberto estuda iha Universidade Padua iha Italia. Iha ne'ebá nia deside atu sai amu-lulik iha ordo Dominikanu. Ninia tiu esforsu an atu tenta nia hodi la-bele halo desizaun atu sai relijiozu. Maski nune'e, Alberto nafatin hamrik iha ninia desizaun. Nia fiar no sente katak, ida ne'e mak ninia vokasaun hosi Maromak. Ninia aman, liurai-oan Bollstadt si'ak liu ba desizaun ne'e. Dominikanu sira laran-taridu no nakonu ho dúvida, kuandu loron ida, Alberto nia aman sei sei haruka fila Alberto ba uma. Tanba ne'e, sira haruka Alberto, ne'ebé sei iha formasaun novisiadu ba iha fatin ida be dook hosi ninia uma. Maibé, iha realidade ninia aman la-mai atu lori nia ba uma. Alberto gosta liu aprende atu estuda barak. Nia gosta siénsia natureza, liu-liu fízika, geografia, no biolojia. Siénsia sira ne'e intersante hotu ba nia. Nia mós gosta hakle'an siénsia kona-ba relijiaun Katólika no B...