Relijiaun Katolika

      Orsaun simu Nai feto Inan Maria benvindo ba Ita ne’ebe ohin mai iha ami uma kain ida ne’e. Aman laran-luak ne’ebé haraik mai ami inan Maria atu akompaña ami iha ami-nia moris tomak. Tulun ami no haraik bensaun mai ami liuhosi intersesaun inan Maria atu ami hetan Ita-nia mizerikordia. Haraik protesaun ba ami familia ida ne’e, uma no rai ne’ebé ami hela ba. Haraik mai ami saúde di’ak isin no klamar. Haraik mai ami matenek no sabedoria. Kuidadu ami ho Ita-Boot nia manta santidade nian. Halo ami sai santu iha Ita futar oin. Amen Orasaun despedida Inan Maria, ami agradese tanba Ita-nia vizita ami uma kain ida ne’e no hanorin ami atu moris iha ksolok laran maski iha difikuldade oin-oin ne’ebé ami hasoru iha ami-nia moris. Inan, obrigadu inan. Haraik Ita-nia bensaun mai ami nafatin no ba ema sira hotu iha komunidade ida ne’e. Amen.

Reflesaun Nai la-husik ita atu ita-nia fuan sai kanek. Maibe, Nai uza ita-nia kanek sira atu hedi ita-nia isin nia hakarak, hodi nune'e, Nai nia gloria sai realidade iha ita-nia moris. Orasaun Nai Jesus, sekuandu ha'u iha fuan be kanek, kura no hamoos ba, atu nune'e ha'u bele serbi Ita-Boot ho fuan be moos, hodi nune'e, Ita-Boot nia gloria sai realidade iha ha'u-nia moris. Obrigadu Nai. Amen.