Orasaun simu illas Nai Feto & Orasaun despedida ba illas Nai Feto



  
 Orsaun simu Nai feto
Inan Maria benvindo ba Ita ne’ebe ohin mai iha ami uma kain ida ne’e.
Aman laran-luak ne’ebé haraik mai ami inan Maria atu akompaña ami iha ami-nia moris tomak.
Tulun ami no haraik bensaun mai ami liuhosi intersesaun inan Maria atu ami hetan Ita-nia mizerikordia.
Haraik protesaun ba ami familia ida ne’e, uma no rai ne’ebé ami hela ba.
Haraik mai ami saúde di’ak isin no klamar.
Haraik mai ami matenek no sabedoria.
Kuidadu ami ho Ita-Boot nia manta santidade nian.
Halo ami sai santu iha Ita futar oin.
Amen


Orasaun despedida
Inan Maria, ami agradese tanba Ita-nia vizita ami uma kain ida ne’e no hanorin ami atu moris iha ksolok laran maski iha difikuldade oin-oin ne’ebé ami hasoru iha ami-nia moris. Inan, obrigadu inan. Haraik Ita-nia bensaun mai ami nafatin no ba ema sira hotu iha komunidade ida ne’e.

Amen.

Comments

  1. Anonymous6 July 2022 at 20:01

    Amen

    ReplyDelete
    Replies
    1. ilidio persiza aprender mais.obrigado5 May 2024 at 14:44

      obrigado ba ita boot nia creatividade hodi kria blog ida nee,nebee ajuda ona ami nia actividade visita nain feto iha ami nia uma kain. obrigado.

      Delete
  2. Anonymous6 May 2024 at 18:05

    Obrigado ba Ita nia Laran Luak bele hakerek orasaun nb furak no ajuda familia katolika iha rai Timor

    ReplyDelete

Post a Comment

Popular posts from this blog

Orasaun Rozariu Familia nian

Image
Hodi Padre, Hodi Fillu, Hodi Espíritu Santu nia naran. Amen. Hanoin buka sala hotu-hotu….!!! Ita reza hamutuk: Nai, Ha’u nia Maromak, ha’u tau konfiansa tomak iha Ita domin ne’ebé nakonu ho perdaun, husik ha’u-nia fuan haksolok iha Ita-Boot nia ajuda salvasaun. Amen. Intensaun: Segunda : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik mai ita família ki’ik ida-ne’e saúde di’ak isin no klamar no hasai ita hosi ‘moras ta’uk’, nune’e mós ba maun-alin no feto-nan sira hotu nia intensaun. Tersa : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, atu nafatin proteze ita-nia ‘uma’, rain ne’ebé pertense ba ita família ida-ne’e, no mós ba ita-nia jerasaun hosi buat aat hotu, sala, ódiu, figansa no segesaun, no hosi espíritu-aat no ema-aat sira no hosi ai-moruk-aat sira hotu. Kuarta...
Read more

ORASAUN BAINHIRA IHA SITUASAUN DIFISIL

Image
NOVENA BA NA'I JEZÚS NIA FUTAR FUAN SANTU (Novena ne'e reza iha oras ne'ebé tenke hanesan durante loron sia nia laran) + Hodi Padre, hodi Filho, hodi Espíritu Santu sira naran, Amen. ORASAUN HAHÚ Ami Aman Ami Aman be iha lalehan, halo ami hahí-hanai Ita naran, halo Ita-nia Reinu to'o mai ami, Ita-nia hakarak halo tuir ba iha rai nu'udar iha lalehan. Ohin ne'e haraik ai-hán lor-loron nian mai ami, haraik perdaun ba ami salan nu'udar ami perdua ema halo aat ami, la bele husik ami monu ba tentasaun, maibé hasai ami hosi aat, Amen. Ave Maria... Gloria... ITA HAROHAN Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó." Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e .....  ( Temi pedidu ne'ebé ó iha ) Oh... Na...
Read more

BIBLIA (SAGRADA ESKRITURA)

Image
Introdusaun Iha artigu, ita sei aprende lia-loos sira ne’ebé ajuda ita atu sai ema Kristaun kuandu ita fiar nia. Lia-loos sira ne’e mós sei ajuda ita atu moris iha moris Kristaun kuandu ita ema ida ne’ebé fiar ona. Objetivu hosi lisaun ida ne’e mak atu ajuda ita moris iha koñesementu kona-ba Maromak nia liafuan. Lisaun dahuluk hosi enkontru semana sanolu resin tolu mak koñesementu kona-ba Bíblia jeralmente no oinsá ita bele hetan Bíblia ne’e rasik, nune’e mós tanba sá ita presiza estuda Bíblia. Iha parte seluk mós ita sei diskute kona-ba lia-loos hosi Bíblia ne’e rasik no ba sé Bíblia ne’e eziste. 1.       Saida mak “Bíblia”? Bíblia mak livru sagradu Kristaun Katólika sira nian. Dala ruma Bíblia ne’e mós hanaran Evanjellu, maski lo-loos ne’e termu Evanjellu só refere de’it ba evanjelista nain haat (Mateus, Markus, Lukas no João) hosi livru 73, ne’e mak livru haat primeiru hosi testamentu foun. Bíblia Igreija Katólika kompostu hosi li...
Read more