ORASAUN BAINHIRA IHA SITUASAUN DIFISIL

NOVENA BA NA'I JEZÚS NIA FUTAR FUAN SANTU

(Novena ne'e reza iha oras ne'ebé tenke hanesan durante loron sia nia laran)

+ Hodi Padre, hodi Filho, hodi Espíritu Santu sira naran, Amen.

ORASAUN HAHÚ

Ami Aman

Ami Aman be iha lalehan, halo ami hahí-hanai Ita naran,

halo Ita-nia Reinu to'o mai ami,

Ita-nia hakarak halo tuir ba

iha rai nu'udar iha lalehan.

Ohin ne'e haraik ai-hán lor-loron nian mai ami,

haraik perdaun ba ami salan

nu'udar ami perdua ema halo aat ami,

la bele husik ami monu ba tentasaun,

maibé hasai ami hosi aat, Amen.

Ave Maria...

Gloria...

ITA HAROHAN

Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó."

Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e ..... 

(Temi pedidu ne'ebé ó iha)

Oh... Na'i Jezús, Ita-Boot hateten: "Saida de'it mak ó husu ba Ha'u Aman hodi Ha'u-nia naran, Nia sei fó ba ó."

Ha'u husu ho haraik-an no ho fiar boot  hosi Aman Lalehan iha Ita-nia naran, hamutuk ho Ita-nia Inan Santa Maria, atu responde ha'u-nia pedidu ne'e..... 

(Temi pedidu ne'ebé ó iha)

Oh... Na'i Jezús, Ita-Boot hateten: "Lalehan no rai sei mohu, maibé Ha'u-nia Liafuan sei la mohu."

Hodi reza hamutuk ho Ita-nia Inan Santa Maria, ha'u fiar katak ha'u-nia pedidu sei responde hosi Ita ..... 

(Temi pedidu ne'ebé ó iha)

Ha'u-nia Jezús, ha'u-nia klamar nia Na'i, Ita-Boot promote katak Ita-Boot nia fuan Santu sei sai tasi mizerikordia ba ema sira-ne'ebé tau laran ba Ita, Ha'u fiar duni katak Ita-Boot sei responde saida mak ha'u husu, maski ida-ne'e presiza milagre.

Ba sé mak ha'u dere sé la'ós ba Ita-Boot nia fua. Bensaun no grasa ba sira-ne'ebé tau laran-metin ba Ita-Boot. Oh... Na'i Jezús, ha'u oferese ba Ita-nia fuan Santu (Moras ida-ne'e, klamar ida-ne'e, no pedidu ida-ne'e), Hateke ba no halo ba saida mak Ita-Boot nia fuan hakarak.

Oh... Na'i Jezús, ha'u konfia Ita-boot no fiar ba Ita-Boot, ha'u oferese an ba Ita-Boot. Iha Ita-Boot laran ha'u sente hakmatek.

•  Ami Aman 1x
• Ave Maria 1x
• Gória 1x
•  Na'i Jezús nia fuan Santu, ha'u konfia Ita-Boot 10x

ORASAUN TAKA

Oh...Na'i Jezús ne'ebé di'ak, Ita-Boot hateten: "Sei ó halo Ha'u haksolok, fiar ba Ha'u. sei ó halo ha'u haksolok liután, konfian ha'u nafatin."

Ba Ita-Boot Na'i, ha'u konfia, atu nune'e ha'u la mate ba nafatin. Amen.

+ Hodi Padre, hodi Filho, hodi Espíritu Santu sira naran, Amen.