Relijiaun Katolika

NOVENA BA NA'I JEZÚS NIA FUTAR FUAN SANTU (Novena ne'e reza iha oras ne'ebé tenke hanesan durante loron sia nia laran) + Hodi Padre, hodi Filho, hodi Espíritu Santu sira naran, Amen. ORASAUN HAHÚ Ami Aman Ami Aman be iha lalehan, halo ami hahí-hanai Ita naran, halo Ita-nia Reinu to'o mai ami, Ita-nia hakarak halo tuir ba iha rai nu'udar iha lalehan. Ohin ne'e haraik ai-hán lor-loron nian mai ami, haraik perdaun ba ami salan nu'udar ami perdua ema halo aat ami, la bele husik ami monu ba tentasaun, maibé hasai ami hosi aat, Amen. Ave Maria... Gloria... ITA HAROHAN Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó." Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e .....  ( Temi pedidu ne'ebé ó iha ) Oh... Na...

Papa Francisco nia orasaun ba Virjen Maria ba protesaun hosi moras " Corona-virus " O Maria, Ita-Boot kontinua haroman ami-nia viajen nu'udar sinál salvasaun no esperansa. Ami konfia ami-nia an ba Ita-Boot, saúde ema moras sira. Iha kruz-ain, Ita-Boot partisipa Jezús nia terus, ho fiar metin. Ita-Boot mak salvasaun ba ema (Romana), hatene saida mak ami presiza. Ami fiar katak Ita-Boot sei prepara, nu'udar Ita-Boot halo iha Kanã Galileia, ksolok no festa bele mosu filafali depoizde momentu provasaun ne'e. Tulun ami, inan Divina domin-na'in, husik ami-nia an tuir Aman Maromak nia hakarak no halo saida mak Jezús dehan ba ami; Nia ida-ne'ebé lori ami-nia susar iha Nia kabás no lori ami-nia terus hodi lori ami, liuhosi kruz ba ksolok resurisaun nian. Amen. Ami buka akollimentu iha Ita-nia protesaun okos, Oh...Maromak nia Inan Santa, la bele despreza ami-nia pedidu, ami sira-ne'ebé hetan prova ne'e, ...

Ladaña Maromak nia prezensa Mane (M): Prezente iha ne’e, oh… Maromak , Feto (F): Hela iha ami leet. M: Prezente iha ne’e, F: Haroman ami-nia moris. M: Loke ami-nia matan fuan nian, F: Atu nune’e ami haree Ita-Boot. M: Book ami-nia fuan, F: Atu nafatin iha esperansa ba Ita. M: Hatudu An katak Ita besik ami, F: Atu ami sente Ita-nia prezensa. M: Hatudu Ita-nia forsa, F: Atu ami hetan libertasaun. M: Prezente iha ne’e, F: Atu nune’e ami moris. M: Ita-Boot manas hanesan ahi, F: Hamanas ami-nia Espíritu. M: Ita-Boot loron-matan dadersan nian, F: Leno ami-nia matan. M: Maromak forsa hotu nia forsa, F:   Maromak ba ema hotu. M: Hatudu Ita-nia oin, F: Fó mai ami Ita-nia moris. M: Ita-Boot, Maromak ema moris nian, F: La'ós Maromak ema mate nian. M: Hakbesik ami, F: Atu ami moris. M: Ita-Boot naroman dadersan nian, F: Mai no liberta ami. M: Hosi sékulu ba sékulu, F: Ita-Boot nafatin fiel. M: Ba tempu ohin loron mós, F: I...

Orasaun simu illas São João Bosco Aman Maromak, ami agradese Ita-Boot ba buat di’ak hotu ne’ebé Ita halo mai ami liuhosi Ita-nia atan di’ak João Bosco. Ita-Boot halo nia sai santu tanba ninia domin ba Ita-Boot hodi halo saida mak Ita-Boot haruka ba nia. Nia hala’o misaun ne’ebé mai hosi Ita-Boot, no misaun ne’e moris to’o ohin loron tanba Ita-Boot. Ita-Boot fihir nia sai aman, mestre no belun ba foin-sa’e sira, liuliu sira-ne’ebé kuran liu no abandonu. Ita-Boot fó ba nia grasa atu hatudu dalan loos ba ema sira-ne’ebé nia hasoru, liuliu foin-sa’e sira. Ita-Boot kontinua hamoris no haburas misaun ida-ne’e liuhosi joven sira-ne’ebé hili nia ai-fatin ne’ebé mai hosi Ita-Boot hodi moris iha vida konsagrada hanesan nia atu sai sasin Kristu resusitadu, Ita-Oan Mane mesak ba mundu tomak. Espíritu misaun konsagrada ne’ebé nafatin kontinua aprofunda no adapta hodi hatán ba sinál no tempu nia mudansa no nesesidade sosiedade ohin loron. Iha ...

Iha fulan Abril 1980, liu rihun sanolu akólitu sira ne’ebé mai hosi nasaun walu be halo peregrinasaun iha Roma. Iha loron 9 Abril, lorokraik, akólitu sira hetan bemvindo hosi Papa João Paulo II, no akólitu sira hetan oportunidade atu selebra Eukarístia hamutuk ho Santu Padre iha Vatikanu. Iha momentu ne’ebá, Santu Padre fó ómilia espesiál ba akólitu sira be asisti selebrasaun Eukarístia no mós ba akólitu sira iha mundu tomak. Tanba ne’e, livru ne’e di’ak liu hahú ho mensajen importante no espesiál ba akólitu sira iha mundu tomak hosi ómilia Santu Padre João Paulo II (Papa Katólika Roma 1978-2005). Iha loron 24 Abril 2014, Igreja Katólika Roma, liuhosi Papa Francisco, kanoniza Santu Padre João Paulo II nu’udar Santu João Paulo II. Ómilia Santu João Paulo II ba akólitu sira iha mundu tomak, iha tinan 1980 Ha’u-nia maluk doben sira be ha’u hadomi, ha’u haksolok tebes selebra Eukarístia hamutuk ho imi hotu. Iha imi-nia nasaun ida-idak, imi bain-bain ona hala’o kna’ar ajuda imi...