REFLESAUN! BEE NE’EBÉ SULI LA BELE FILA BA NIAN DIRESAUN


Títulu orijinál
“Renungan! Air yang mengalir tidak dapat berbalik arah”

Tradus husi
Crisogno Soares Freitas Pereira
Maluk sira, idade ne’e hanesan zelu-fatuk,
uza ka la uza nia sei nabeen.
Nune’e mós ho ita-nia tinan,
uza ka la uza, ita-nia tinan sei menus.

Asuntu ne’ebé tenke halo mak
hamnasa midar no hanoin pozitivu.
Bee ne’ebé suli
la bele kontra ninia diresaun.

Ida-ne’e mak ita-nia moris.
Ita imposibel atu filafali ba joven ka labarik.
Ita sei sai ferik no katuas, moras no mate,
hala’o moris ne’e ho pasiénsia no fleksível.

La bele hakarak atu manan rasik,
la bele hakarak hakanek ema seluk nia fuan,
la bele hakarak atu keisa nafatin,
La bele hakarak estraga,
la bele hakarak ofende.

Moris ba ho ksolok!
Fó tempu barak atu halibur hamutuk
ho an, família, maun-alin, kolega,
natureza no Maromak.

Soe dook ita-nia atitude egoista,
hamaluk ba hó buat ne’ebé ita bele
la’ós tanba iha buat ruma.
Aproveita moris nia furak
no respeitu diferensa hotu.

Fiar ita-nia maluk nia kualidade,
kuidadu ninia sentimentu,
taka ninia frakeza.
La bele hanoin nafatin buat aat
iha ita-nia hanoin ba nia no kona-ba nia.
Fó tulun kuandu nia monu,
oferese ita-nia kabaas kuandu nia tanis,
Basa liman ba, bainhira nia susesu,
temi nia naran iha ita-nia orasaun.

La’ós rai hirus bainhira ema seluk hahii nia,
la’ós haksolok bainhira hatene katak nia triste,
La’ós despontadu baihira nia iha progresu,
la’ós hamnasa bainhira nia terus

Hamaluk ba ho fuan ne’ebé di’ak no sinseru.
Bainhira ita-nia fuan di’ak no sinseru,
fiar ba katak Maromak mós sei nafatin hamutuk ho ita.
Mai ba atu hamaluk
to’o Maromak bolu ita fila ba Ninia Kadunan Santa.

Amen

Reférensia orijinál
Bagus, R. (2019). Renungan! Air yang mengalir tidak dapat berbalik arah. Foti hosi website youtube: https://www.youtube.com/watch?v=DPmpzJlAZog


Comments

Post a Comment

Popular posts from this blog

Orasaun Rozariu Familia nian

Image
Hodi Padre, Hodi Fillu, Hodi Espíritu Santu nia naran. Amen. Hanoin buka sala hotu-hotu….!!! Ita reza hamutuk: Nai, Ha’u nia Maromak, ha’u tau konfiansa tomak iha Ita domin ne’ebé nakonu ho perdaun, husik ha’u-nia fuan haksolok iha Ita-Boot nia ajuda salvasaun. Amen. Intensaun: Segunda : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik mai ita família ki’ik ida-ne’e saúde di’ak isin no klamar no hasai ita hosi ‘moras ta’uk’, nune’e mós ba maun-alin no feto-nan sira hotu nia intensaun. Tersa : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, atu nafatin proteze ita-nia ‘uma’, rain ne’ebé pertense ba ita família ida-ne’e, no mós ba ita-nia jerasaun hosi buat aat hotu, sala, ódiu, figansa no segesaun, no hosi espíritu-aat no ema-aat sira no hosi ai-moruk-aat sira hotu. Kuarta...
Read more

ORASAUN BAINHIRA IHA SITUASAUN DIFISIL

Image
NOVENA BA NA'I JEZÚS NIA FUTAR FUAN SANTU (Novena ne'e reza iha oras ne'ebé tenke hanesan durante loron sia nia laran) + Hodi Padre, hodi Filho, hodi Espíritu Santu sira naran, Amen. ORASAUN HAHÚ Ami Aman Ami Aman be iha lalehan, halo ami hahí-hanai Ita naran, halo Ita-nia Reinu to'o mai ami, Ita-nia hakarak halo tuir ba iha rai nu'udar iha lalehan. Ohin ne'e haraik ai-hán lor-loron nian mai ami, haraik perdaun ba ami salan nu'udar ami perdua ema halo aat ami, la bele husik ami monu ba tentasaun, maibé hasai ami hosi aat, Amen. Ave Maria... Gloria... ITA HAROHAN Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó." Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e .....  ( Temi pedidu ne'ebé ó iha ) Oh... Na...
Read more

BIBLIA (SAGRADA ESKRITURA)

Image
Introdusaun Iha artigu, ita sei aprende lia-loos sira ne’ebé ajuda ita atu sai ema Kristaun kuandu ita fiar nia. Lia-loos sira ne’e mós sei ajuda ita atu moris iha moris Kristaun kuandu ita ema ida ne’ebé fiar ona. Objetivu hosi lisaun ida ne’e mak atu ajuda ita moris iha koñesementu kona-ba Maromak nia liafuan. Lisaun dahuluk hosi enkontru semana sanolu resin tolu mak koñesementu kona-ba Bíblia jeralmente no oinsá ita bele hetan Bíblia ne’e rasik, nune’e mós tanba sá ita presiza estuda Bíblia. Iha parte seluk mós ita sei diskute kona-ba lia-loos hosi Bíblia ne’e rasik no ba sé Bíblia ne’e eziste. 1.       Saida mak “Bíblia”? Bíblia mak livru sagradu Kristaun Katólika sira nian. Dala ruma Bíblia ne’e mós hanaran Evanjellu, maski lo-loos ne’e termu Evanjellu só refere de’it ba evanjelista nain haat (Mateus, Markus, Lukas no João) hosi livru 73, ne’e mak livru haat primeiru hosi testamentu foun. Bíblia Igreija Katólika kompostu hosi li...
Read more