Orasaun perdaun ho haraik an

Orasaun perdaun ho haraik an

Nai Aman Santu, ha’u rekoñese Ita-Boot nu’udar ha’u-nia Maromak.

Ha’u hahí no hananu Ita Naran Santu, Santu, Santu.

Ha’u, kriatura ida-ne’ebé Ita-boot kria iha mundu ida-ne’e,

Ha’u nu’udar Ita-nia Illas,

Ha’u mak ema ne’ebé Ita-boot hadomi,

Tanba ha’u, Ita-Boot haraik mai ha’u Maksoin

Jezús Kristu ha’u-nia Salvadór.

Tanba ha’u, Ita-Boot fó mai ha’u Espíritu Santu

Atu hamaluk ha’u iha ha’u-nia viajen moris ne’e nian.

Maibé Nai, ha’u ema maksalak,

Ha’u la soi iha Ita futar oin no la soi atu hetan rahun di’ak.

Tanba ha’u konxiente ho sala sira hotu ne’ebé ha’u iha

Ha’u hafoer ona Ita-nia Illas iha ha’u-nia an.

Ha’u la serve nu’udar buat di’ak ida iha Ita matan

Nune’e mós iha ema hotu nia matan.

Ema hakribit ha’u, ema dook an hosi ha’u

Tanba ha’u-nia sala.

Ha’u sai hanesan lixu ida ona no serve tebes atu soe ba lixu fatin.

Maibé Nai, ha’u hatene Ita hadomi tebes ha’u,

Ita mai iha mundu atu salva sira-ne’ebé lakon, mate no moris iha sala laran.

Ita mai iha mundu atu fó roman mai ha’u.

Nai, kona ema balun nia fuan, atu hasai tiha lixu ne’e iha lixu fatin.

No uza lixu ne’e sai sasan furak ida ba Ita  nune’e mós ba ema seluk.

Sasan ne’e la’ós hela ona iha lixu fatin maibé nia tau iha fatin ida atu ema seluk hahí Ita.

Obrigadu Nai ba buat hotu ne’ebé Ita-Boot halo mai ha’u.

Ha’u hadomi Ita-boot ho ha’u-nia frakeza no forsa tomak.

Ha’u-atan harohan ne’e  hodi Nai Jézus Kristu hamutuk ho Espíritu Santu nia naran. Amen.

Orasaun husi Crisogno Soares Freitas Pereira