Relijiaun Katolika

      Orsaun simu Nai feto Inan Maria benvindo ba Ita ne’ebe ohin mai iha ami uma kain ida ne’e. Aman laran-luak ne’ebé haraik mai ami inan Maria atu akompaña ami iha ami-nia moris tomak. Tulun ami no haraik bensaun mai ami liuhosi intersesaun inan Maria atu ami hetan Ita-nia mizerikordia. Haraik protesaun ba ami familia ida ne’e, uma no rai ne’ebé ami hela ba. Haraik mai ami saúde di’ak isin no klamar. Haraik mai ami matenek no sabedoria. Kuidadu ami ho Ita-Boot nia manta santidade nian. Halo ami sai santu iha Ita futar oin. Amen Orasaun despedida Inan Maria, ami agradese tanba Ita-nia vizita ami uma kain ida ne’e no hanorin ami atu moris iha ksolok laran maski iha difikuldade oin-oin ne’ebé ami hasoru iha ami-nia moris. Inan, obrigadu inan. Haraik Ita-nia bensaun mai ami nafatin no ba ema sira hotu iha komunidade ida ne’e. Amen.

Loron 13 Juñu, tinan-tinan selebra festa Santu António hosi Padua. Maski espesialmente iha Vila Salazar – Vila Antiga Baucau no jeralmente iha Timor-Leste, ladún selebra ho festa boot maibé iha Nasaun seluk liu-liu Portugal selebra festa ne’e ho selebrasaun ne’ebé boot. Iha hakerek ne’e hakarak reflete istória moris Santu António ne’ebé hatán Maromak nia bolu no ninia papél ba igreja, tanba nia santu ida ne’ebé mós ho títulu Doutór Igreja Modernu ne’ebé fó kontribuisaun barak hanoin filozófiku no teolójiku iha Igreja Katólika. Ita presiza hatene katak António hosi Padua la’ós nia naran no orijen lo-loos. Nia aman Martins Vicente Bulhão no inan Teresa Pais Taveira fó naran ba nia mak Fernando Martins bainhira nia moris iha loron 15 Agustu 1195. Nia família prepara edukasaun ne’ebé di’ak liu ba nia iha eskola lokál maibé António rejeita no tama filafali iha konventu Santo Agostinho iha Lizboa no sai membru kongregasaun Santo Agostinho ne’ebé famozu ho obra edukasaun. Ni...

Hahii Nai Jezús be mate iha Ai-Kruz, hedi ba ita-nia sala. Kristu Santu be hedi iha kruz, nafatin hela ho ami. Kristu Santu be hedi iha kruz, Ita-Boot mak naroman rohan-laek ba ami-nia família. Kristu Santu be hedi iha kruz, mai iha oras ami besik atu mate. Kristu Santu be hedi iha kruz, proteze ami hosi kastigu. Kristu nia Ai-Kruz santa, ami sai morin iha Ita. O Jezús hosi Nazaré be hedi iha kruz, proteze ami hosi buat aat sira, be haree no la-haree, agora no ba nafatin. Amen. 

Rai, tasi no lalehan Nai nia liman rohan. Buat moris hotu haksolok Nia naran Hananu Santu ba Nia naran. Tanba domin, Nai fó mai ha’u domin Hosi feto ida, feto ne’ebé hafurak ona ha’u ho domin. Nai haruka ha’u Kuidada no hadomi domin nain, Nia mak domin no funu nia nain. Ha’u harohan… Nai…kuidadu nia nafatin iha moris ne’e Haforsa ha’u iha tempu moris ida-ne’e Atu hadomi nia to’o ha’u taka matan, Nia ne’ebé ko’us ona ha’u ho nia bee-matan. Ha’u hakarak sadere ha’u-nia ulun iha nia hitin Feto ne’ebé ha’u hadomi liu Bainhra ha’u taka matan ba nafatin. Maski dalaruma nia la komprende, Ajuda ha’u atu komprende. Maski nia dúvida ba ha’u-nia domin, Ajuda ha’u atu fiel ba domin. Maski nia hirus no si’ak, Ajuda ha’u responde di’ak. Maski nia hakarak dook liután, Ajuda ha’u atu besik liután. Maski nia haluha ha’u iha moris, Ajuda atu hanoin nia ba moris. Nia mak ha’u-nia imajen moris nian Hosi nia ha’u koñese ha’u-nia...