15 Novembru Santo Alberto Magno



Alberto moris iha sékulu XIII. Nia moris iha Lauingen Bavaria Alemña. Alberto estuda iha Universidade Padua iha Italia. Iha ne'ebá nia deside atu sai amu-lulik iha ordo Dominikanu. Ninia tiu esforsu an atu tenta nia hodi la-bele halo desizaun atu sai relijiozu. Maski nune'e, Alberto nafatin hamrik iha ninia desizaun. Nia fiar no sente katak, ida ne'e mak ninia vokasaun hosi Maromak. Ninia aman, liurai-oan Bollstadt si'ak liu ba desizaun ne'e. Dominikanu sira laran-taridu no nakonu ho dúvida, kuandu loron ida, Alberto nia aman sei sei haruka fila Alberto ba uma. Tanba ne'e, sira haruka Alberto, ne'ebé sei iha formasaun novisiadu ba iha fatin ida be dook hosi ninia uma. Maibé, iha realidade ninia aman la-mai atu lori nia ba uma.

Alberto gosta liu aprende atu estuda barak. Nia gosta siénsia natureza, liu-liu fízika, geografia, no biolojia. Siénsia sira ne'e intersante hotu ba nia. Nia mós gosta hakle'an siénsia kona-ba relijiaun Katólika no Bíblia. Nia bele observa atetude animál sira no hakerek saida de'it mak nia observa, hanesan sientista sira halo iha tempu ohin loron. Alberto hakerek livru barak kona-ba siénsia sira. Nia mós hakerek kona-ba filozófia no nu'udar profesór famouzu iha eskola oin-oin.

Alberto iha estudante ida be hanaran Tomas Aquino ne'ebé famozu tebes. Istória hatetes sai katak, Alberto hatene Tomas Aquino ninia mate hosi Maromak. Maibé, durante nia moris, Alberto forma Tomas Aquino ne'ebé ikus mai sai santu no doutór Igreja Katólika nian iha área filozófia no teolojia. Alberto mós defende ninia estudante Santu Tomas Aquino ninia hanorin sira ne'ebé husik hela.

Alberto nia tinan aumenta, ninia moris mós sai santu liután. Molok ne'e, nia hato'o ona ninia hanoin sira be kle'an iha ninia hakerek sira. Agora, nia hato'o ninia hanoin sira be kle'an ne'e iha ninia dalan oinsá moris tuir, no moris tuir ba de'it Maromak.

Nia mate iha Colônia Sacro Empério iha loron 15 Novembru 1280 ho tinan 87. Nia hetan kanonizasaun sai Santu hosi Papa Pio XI iha tinan 1931.

Santu Alberto Magno hetan grasa atu haloos fiar no siénsia koñesementu. Iha tempu agora, ema hasentru an ba iha siénsia koñesementu no teknolojia, di'ak mós katak, ita husu harohan ba Santu Alberto Magno atu ho nia intersesaun, Maromak haraik ba ita grasa be hanesan.
Santu Alberto Magno ninia rate iha Colônia, Alemña

Comments

Post a Comment

Popular posts from this blog

Orasaun Rozariu Familia nian

Image
Hodi Padre, Hodi Fillu, Hodi Espíritu Santu nia naran. Amen. Hanoin buka sala hotu-hotu….!!! Ita reza hamutuk: Nai, Ha’u nia Maromak, ha’u tau konfiansa tomak iha Ita domin ne’ebé nakonu ho perdaun, husik ha’u-nia fuan haksolok iha Ita-Boot nia ajuda salvasaun. Amen. Intensaun: Segunda : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik mai ita família ki’ik ida-ne’e saúde di’ak isin no klamar no hasai ita hosi ‘moras ta’uk’, nune’e mós ba maun-alin no feto-nan sira hotu nia intensaun. Tersa : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, atu nafatin proteze ita-nia ‘uma’, rain ne’ebé pertense ba ita família ida-ne’e, no mós ba ita-nia jerasaun hosi buat aat hotu, sala, ódiu, figansa no segesaun, no hosi espíritu-aat no ema-aat sira no hosi ai-moruk-aat sira hotu. Kuarta
Read more

ORASAUN BAINHIRA IHA SITUASAUN DIFISIL

Image
NOVENA BA NA'I JEZÚS NIA FUTAR FUAN SANTU (Novena ne'e reza iha oras ne'ebé tenke hanesan durante loron sia nia laran) + Hodi Padre, hodi Filho, hodi Espíritu Santu sira naran, Amen. ORASAUN HAHÚ Ami Aman Ami Aman be iha lalehan, halo ami hahí-hanai Ita naran, halo Ita-nia Reinu to'o mai ami, Ita-nia hakarak halo tuir ba iha rai nu'udar iha lalehan. Ohin ne'e haraik ai-hán lor-loron nian mai ami, haraik perdaun ba ami salan nu'udar ami perdua ema halo aat ami, la bele husik ami monu ba tentasaun, maibé hasai ami hosi aat, Amen. Ave Maria... Gloria... ITA HAROHAN Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó." Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e .....  ( Temi pedidu ne'ebé ó iha ) Oh... Na
Read more

BIBLIA (SAGRADA ESKRITURA)

Image
Introdusaun Iha artigu, ita sei aprende lia-loos sira ne’ebé ajuda ita atu sai ema Kristaun kuandu ita fiar nia. Lia-loos sira ne’e mós sei ajuda ita atu moris iha moris Kristaun kuandu ita ema ida ne’ebé fiar ona. Objetivu hosi lisaun ida ne’e mak atu ajuda ita moris iha koñesementu kona-ba Maromak nia liafuan. Lisaun dahuluk hosi enkontru semana sanolu resin tolu mak koñesementu kona-ba Bíblia jeralmente no oinsá ita bele hetan Bíblia ne’e rasik, nune’e mós tanba sá ita presiza estuda Bíblia. Iha parte seluk mós ita sei diskute kona-ba lia-loos hosi Bíblia ne’e rasik no ba sé Bíblia ne’e eziste. 1.       Saida mak “Bíblia”? Bíblia mak livru sagradu Kristaun Katólika sira nian. Dala ruma Bíblia ne’e mós hanaran Evanjellu, maski lo-loos ne’e termu Evanjellu só refere de’it ba evanjelista nain haat (Mateus, Markus, Lukas no João) hosi livru 73, ne’e mak livru haat primeiru hosi testamentu foun. Bíblia Igreija Katólika kompostu hosi livru 73, ne’e mak testame
Read more