Orasaun simu illas Sagrada Família & Orasaun despedida ba Illas Sagrada Família



Orasaun simu illas Sagrada Família
Sagrada Família, ohin ita mai iha ami-nia komunidade ne'e, ami ho laran kontente simu Ita-Boot atu hasantu ami-nia família ida-idak sai hanesan Família Nazaré iha tempu ohin loron.

Jezús, José no Maria, ho Ita-Boot nia illas iha Sagrada Família ida ne’e, ami husu, atu haraik ba família ida-idak iha komunidade ida ne’e grasa saúde, matenek no santidade.
Jezús, José no Maria proteze ami-nia família ida-idak hosi sala nia nakukun.
Jezús, José no Maria tulun ami-nia inan-aman sira, atu sira eduka didi’ak oan sira tuir dalan ne’ebé loos no santu.
Jezús, José no Maria tulun ami-nia inan no aman sira, atu hatene hadomi kriasaun hodi la-estraga saida mak Aman Maromak haraik ba sira.  
Jezús, José no Maria tulun ami-nia oan sira, liu-liu joven sira atu sira hatene respeita ho hadomi buat ne’ebé loos no santu.
Jezús, José no Maria tulun ami-nia oan sira, liu-liu joven sira ne’ebé tuir dalan konsagrasaun ba moris konsagradu, atu sira hatán ba Maromak nia bolu iha mundu ohin loron.
Jezús, José no Maria tulun ami-nia oan sira, liu-liu joven sira atu sira hala’o sira-nia kna’ar nu’udar estudante ne’ebé loos no santu.
Jezús, José no Maria tulun ami-nia oan sira, liu-liu joven sira atu sira hatene harii paz iha sira-nia leet.
Jezús, José no Maria tulun ami-nia oan sira, liu-liu joven sira atu sira hatene hakbesik liután ba ita iha sakramentu sira.
Jezús, José no Maria tulun ami hotu, atu loron ida ami sei haksolok iha Maromak nia reinu.

Hela ho ami família komunidade ida ne’e, hanorin ami liuhosi Ita-Boot nia Illas Sagrada, atu ami hatene moris nu’udar família lo-loos iha orasaun, sakramentu no karidade. Hodi ida ne’e, ami sai lo-loos Ita-Boot nian. Amen.
Ami Aman 1x
Ave Maria 3x
Glória 1x

Orasaun despedida ba Illas Sagrada Família
Illas Sagrada Família, ami família ne'e agradese Ita-Boot. Durante, Ita-Boot nia Illas nia prezensa iha komunidade ida ne’e, hanorin ona ami, oinsá atu moris nu’udar família lo-loos no santu. Maibe, nu’udar ema, ami iha frakeza atu moris nu’udar sarani loos. Tanba ami fiar katak, durante Ita-Boot nia prezensa iha komunidade ida ne’e, hamosu ona milagre oin-oin maski ami-matan la-haree, ami la-konxiénte, ami-nia tilun la-rona, maibé Ita-Boot nia Espíritu book ami-nia fuan ida-idak atu hadomi malu nu’udar Família loos no santu. Haraik mai ami, Espíritu Família nian, atu nune’e ami sai ispellu Família Sagrada no sai Família Nazaré nia imajen lo-loos iha mundu ohin loron. Sagrada Família, haraik bensaun barak ba ami ida-idak nia família iha komunidade no mós komunidade sira seluk iha mundu tomak. Obrigadu. Amen.

Ami Aman 1x
Ave Maria 3x
Glória 1x

Jezús, José no Maria, haraik grasa mai ami. Amen.

Comments

Post a Comment

Popular posts from this blog

Orasaun Rozariu Familia nian

Image
Hodi Padre, Hodi Fillu, Hodi Espíritu Santu nia naran. Amen. Hanoin buka sala hotu-hotu….!!! Ita reza hamutuk: Nai, Ha’u nia Maromak, ha’u tau konfiansa tomak iha Ita domin ne’ebé nakonu ho perdaun, husik ha’u-nia fuan haksolok iha Ita-Boot nia ajuda salvasaun. Amen. Intensaun: Segunda : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik mai ita família ki’ik ida-ne’e saúde di’ak isin no klamar no hasai ita hosi ‘moras ta’uk’, nune’e mós ba maun-alin no feto-nan sira hotu nia intensaun. Tersa : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, atu nafatin proteze ita-nia ‘uma’, rain ne’ebé pertense ba ita família ida-ne’e, no mós ba ita-nia jerasaun hosi buat aat hotu, sala, ódiu, figansa no segesaun, no hosi espíritu-aat no ema-aat sira no hosi ai-moruk-aat sira hotu. Kuarta
Read more

ORASAUN BAINHIRA IHA SITUASAUN DIFISIL

Image
NOVENA BA NA'I JEZÚS NIA FUTAR FUAN SANTU (Novena ne'e reza iha oras ne'ebé tenke hanesan durante loron sia nia laran) + Hodi Padre, hodi Filho, hodi Espíritu Santu sira naran, Amen. ORASAUN HAHÚ Ami Aman Ami Aman be iha lalehan, halo ami hahí-hanai Ita naran, halo Ita-nia Reinu to'o mai ami, Ita-nia hakarak halo tuir ba iha rai nu'udar iha lalehan. Ohin ne'e haraik ai-hán lor-loron nian mai ami, haraik perdaun ba ami salan nu'udar ami perdua ema halo aat ami, la bele husik ami monu ba tentasaun, maibé hasai ami hosi aat, Amen. Ave Maria... Gloria... ITA HAROHAN Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó." Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e .....  ( Temi pedidu ne'ebé ó iha ) Oh... Na
Read more

BIBLIA (SAGRADA ESKRITURA)

Image
Introdusaun Iha artigu, ita sei aprende lia-loos sira ne’ebé ajuda ita atu sai ema Kristaun kuandu ita fiar nia. Lia-loos sira ne’e mós sei ajuda ita atu moris iha moris Kristaun kuandu ita ema ida ne’ebé fiar ona. Objetivu hosi lisaun ida ne’e mak atu ajuda ita moris iha koñesementu kona-ba Maromak nia liafuan. Lisaun dahuluk hosi enkontru semana sanolu resin tolu mak koñesementu kona-ba Bíblia jeralmente no oinsá ita bele hetan Bíblia ne’e rasik, nune’e mós tanba sá ita presiza estuda Bíblia. Iha parte seluk mós ita sei diskute kona-ba lia-loos hosi Bíblia ne’e rasik no ba sé Bíblia ne’e eziste. 1.       Saida mak “Bíblia”? Bíblia mak livru sagradu Kristaun Katólika sira nian. Dala ruma Bíblia ne’e mós hanaran Evanjellu, maski lo-loos ne’e termu Evanjellu só refere de’it ba evanjelista nain haat (Mateus, Markus, Lukas no João) hosi livru 73, ne’e mak livru haat primeiru hosi testamentu foun. Bíblia Igreija Katólika kompostu hosi livru 73, ne’e mak testame
Read more