16 Novembru Santa Margarita hosi Eskósia




Liurai-feto Santa Margarita hosi Eskósia
Margarita mak prinseza reinu Inglatera be moris iha tinan 1046. Nia ho nia inan hakur tasi ba rai-Eskósia atu halai lakon hosi liurai ne'ebé okupa sira-nia rai. Liurai Malcolm hosi Eskósia simu sira. Liurai ne'e laran-monu ba prinseza be bonita ne'e. la-kle'ur, Margarita no Malcolm mós moris hamutuk nu'udar família ida.

Nu'udar liurai-feto, Margarita hamosu mudansa barak ba ninia laen no ninia Nasaun. Malcolm, liurai be laran-di'ak, maibé nia ho ninia membru iha palásiu moris iha vulgaridade nia laran. Bainhira, liurai haree nia feen ba matenek ne'e, liurai prontu atu rona ninia feen nia hanoin. Margarita tulun ninia laen atu kontrola an hodi domina an di'ak liután no treina an moris iha virtude Kristaun. Nia enfeita palásiu ne'e sai furak liu ho ninia atetude no respeita. Liurai no liurai-feto sai ezemplu be di'ak liu ba malu. Sira fahe ai-hán ba ema ki'ak sira no mukit. Sira rua esforsu an atu tuir Jezús nia moris iha sira-nia moris rasik.

Margarita sai grasa ba povu iha rai Eskósia. Molok nia mai, povu moris nu'udar ema beik. Barak hosi sira moris ho kostuma be aat ne'ebé trava sira atu hakbesik an ba Maromak. Margarita esforsu an maka'as atu hetan mestre sira be di'ak hodi bele tulun ninia povu atu hadi'a sira-nia kostuma be aat. Nia no Malcolm harii igreja sira be foun. Liurai-feto ne'e gosta enfeita igreja sira ho furak nu'udar ninia ekspresaun adora ba Maromak. Margarida rasik mós suku amu-lulik sira-nia batina no kazula liturjia nian. Margarita no Malcolm iha oan-mane nain neen no oan-feto nain rua. Sira hadomi liu sira-nia oan sira. Sira-nia oan ikun ne'ebé mós ikus mai sai Santu David. Maibé, Margarita mós esperiénsia momentu sira be triste. Iha ninia tempu ikus bainhira nia moras, nia rona informasaun katak, nia laen no nia oan mane Edward mate iha funu laran. Sira mate liu loron haat, Margarita mós mate. Santa Margarida mate iha 16 Novembru 1093. Nia hetan kanonizasaun hosi Papa Inocencio IV nu'udar Santa iha tinan 1250.

Margarita no Malcolm sai sasin grasa sakramentu Matrimóniu hodi luta hamutuk atu moris santu


Comments

Post a Comment

Popular posts from this blog

Orasaun Rozariu Familia nian

Image
Hodi Padre, Hodi Fillu, Hodi Espíritu Santu nia naran. Amen. Hanoin buka sala hotu-hotu….!!! Ita reza hamutuk: Nai, Ha’u nia Maromak, ha’u tau konfiansa tomak iha Ita domin ne’ebé nakonu ho perdaun, husik ha’u-nia fuan haksolok iha Ita-Boot nia ajuda salvasaun. Amen. Intensaun: Segunda : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik mai ita família ki’ik ida-ne’e saúde di’ak isin no klamar no hasai ita hosi ‘moras ta’uk’, nune’e mós ba maun-alin no feto-nan sira hotu nia intensaun. Tersa : Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, atu nafatin proteze ita-nia ‘uma’, rain ne’ebé pertense ba ita família ida-ne’e, no mós ba ita-nia jerasaun hosi buat aat hotu, sala, ódiu, figansa no segesaun, no hosi espíritu-aat no ema-aat sira no hosi ai-moruk-aat sira hotu. Kuarta
Read more

ORASAUN BAINHIRA IHA SITUASAUN DIFISIL

Image
NOVENA BA NA'I JEZÚS NIA FUTAR FUAN SANTU (Novena ne'e reza iha oras ne'ebé tenke hanesan durante loron sia nia laran) + Hodi Padre, hodi Filho, hodi Espíritu Santu sira naran, Amen. ORASAUN HAHÚ Ami Aman Ami Aman be iha lalehan, halo ami hahí-hanai Ita naran, halo Ita-nia Reinu to'o mai ami, Ita-nia hakarak halo tuir ba iha rai nu'udar iha lalehan. Ohin ne'e haraik ai-hán lor-loron nian mai ami, haraik perdaun ba ami salan nu'udar ami perdua ema halo aat ami, la bele husik ami monu ba tentasaun, maibé hasai ami hosi aat, Amen. Ave Maria... Gloria... ITA HAROHAN Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó." Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e .....  ( Temi pedidu ne'ebé ó iha ) Oh... Na
Read more

BIBLIA (SAGRADA ESKRITURA)

Image
Introdusaun Iha artigu, ita sei aprende lia-loos sira ne’ebé ajuda ita atu sai ema Kristaun kuandu ita fiar nia. Lia-loos sira ne’e mós sei ajuda ita atu moris iha moris Kristaun kuandu ita ema ida ne’ebé fiar ona. Objetivu hosi lisaun ida ne’e mak atu ajuda ita moris iha koñesementu kona-ba Maromak nia liafuan. Lisaun dahuluk hosi enkontru semana sanolu resin tolu mak koñesementu kona-ba Bíblia jeralmente no oinsá ita bele hetan Bíblia ne’e rasik, nune’e mós tanba sá ita presiza estuda Bíblia. Iha parte seluk mós ita sei diskute kona-ba lia-loos hosi Bíblia ne’e rasik no ba sé Bíblia ne’e eziste. 1.       Saida mak “Bíblia”? Bíblia mak livru sagradu Kristaun Katólika sira nian. Dala ruma Bíblia ne’e mós hanaran Evanjellu, maski lo-loos ne’e termu Evanjellu só refere de’it ba evanjelista nain haat (Mateus, Markus, Lukas no João) hosi livru 73, ne’e mak livru haat primeiru hosi testamentu foun. Bíblia Igreija Katólika kompostu hosi livru 73, ne’e mak testame
Read more