Relijiaun Katolika

Reflesaun Nai la-husik ita atu ita-nia fuan sai kanek. Maibe, Nai uza ita-nia kanek sira atu hedi ita-nia isin nia hakarak, hodi nune'e, Nai nia gloria sai realidade iha ita-nia moris. Orasaun Nai Jesus, sekuandu ha'u iha fuan be kanek, kura no hamoos ba, atu nune'e ha'u bele serbi Ita-Boot ho fuan be moos, hodi nune'e, Ita-Boot nia gloria sai realidade iha ha'u-nia moris. Obrigadu Nai. Amen. 

Relijiaun Katolika: BIBLIA (SAGRADA ESKRITURA) : Introdusaun Iha artigu, ita sei aprende lia-loos sira ne’ebé ajuda ita atu sai ema Kristaun kuandu ita fiar nia. Lia-loos sir...

Isabel mak oan-feto hosi liurai Hungria. Nia moris iha tinan 1207. Isabel kaben ho Louis, liurai Thuringia, bainhira nia sei joven liu. (ita mós selebra Beato Louis nia festa iha loron 11 Setembru). Isabel mak noiva be bonita, ne’ebé hadomi liu ninia laen ne’ebé bonitu. Louis responde ninia feen nia domin ho fuan tomak. Maromak haraik ba sira oan nain tolu no sira moris hamutuk ho ksolok durante tinan neen nia laran. Tuir mai, Isabel moris iha susar nia laran. Louis mate tanba moras gripe iha tempu ne’ebá. Isabel laran-triste liu to’o halerik: “mundu mate ona ba ha’u, mundu ho ninia ksolok tomak.” Louis ninia maun-alin sira la-gosta Isabel, tanba Isabel fahe ai-hán ba ema ki’ak no mukit sira. Durante Louis sei moris, nia maun-alin sira la-bele halo buat ida. Maibé agora, sira bele halo saida de’it mak sira hakarak. Ikus mai, sira duni sai Isabel no ninia oan nain tolu sai hosi kastelu. Isabel no ninia oan sira hamlaha no malirin. Maibé, Isabel la-keisa ba ninia terus ne’e, n...

Gertrudes tama iha konventu iha Saxony bainhira nia sei joven liu. Liuhosi formasaun hosi Santa Mechtildes, nia dezenvolve an sai nu’udar relijioza be haksolok liu no santa liu. Madre Gertrudes, ema ida ne’ebé intersante liu no matenek. Nia domina língua Latina ho di’ak tebes. Lo-loos ne’e, nia uluk-nanain ladun gosta aprede relijiaun no lisaun sira seluk. Maibé, bainhira nia halo tinan rua-nolu resin neen, Jezús hatudu-An ba nia. No iha tempu ne’ebá kedas, Madre Gertrudes hanoin kona-ba hadomi Jezús no haka’as an atu moris santa. Ikus mai, madre Gertrudes hahú aprende Bíblia ho entuziasmu. Ninia koñesementu kona-ba relijiaun Katólika be santa sai kle’an liután. Jezús hatudu-An ba Gertrudes dala-barak. Nai hatudu Ninia Fuan Santa. Dala-rua Jezús fó lisensa ba Gertrudes atu sadere ninia ulun iha Ninia Fuan Santa. Tanba Gertrudes ninia domin be boot ba Jezús, ninia Espozu Divinu, Gertrudes esforsu atu hadi’a ninia frakeza sira no sai di’ak liu, liu-fali antes. Nia fiar iha J...

Liurai-feto Santa Margarita hosi Eskósia Margarita mak prinseza reinu Inglatera be moris iha tinan 1046. Nia ho nia inan hakur tasi ba rai-Eskósia atu halai lakon hosi liurai ne'ebé okupa sira-nia rai. Liurai Malcolm hosi Eskósia simu sira. Liurai ne'e laran-monu ba prinseza be bonita ne'e. la-kle'ur, Margarita no Malcolm mós moris hamutuk nu'udar família ida. Nu'udar liurai-feto, Margarita hamosu mudansa barak ba ninia laen no ninia Nasaun. Malcolm, liurai be laran-di'ak, maibé nia ho ninia membru iha palásiu moris iha vulgaridade nia laran. Bainhira, liurai haree nia feen ba matenek ne'e, liurai prontu atu rona ninia feen nia hanoin. Margarita tulun ninia laen atu kontrola an hodi domina an di'ak liután no treina an moris iha virtude Kristaun. Nia enfeita palásiu ne'e sai furak liu ho ninia atetude no respeita. Liurai no liurai-feto sai ezemplu be di'ak liu ba malu. Sira fahe ai-hán ba ema ki'ak sira no mukit. Sira rua e...

Alberto moris iha sékulu XIII. Nia moris iha Lauingen Bavaria Alemña. Alberto estuda iha Universidade Padua iha Italia. Iha ne'ebá nia deside atu sai amu-lulik iha ordo Dominikanu. Ninia tiu esforsu an atu tenta nia hodi la-bele halo desizaun atu sai relijiozu. Maski nune'e, Alberto nafatin hamrik iha ninia desizaun. Nia fiar no sente katak, ida ne'e mak ninia vokasaun hosi Maromak. Ninia aman, liurai-oan Bollstadt si'ak liu ba desizaun ne'e. Dominikanu sira laran-taridu no nakonu ho dúvida, kuandu loron ida, Alberto nia aman sei sei haruka fila Alberto ba uma. Tanba ne'e, sira haruka Alberto, ne'ebé sei iha formasaun novisiadu ba iha fatin ida be dook hosi ninia uma. Maibé, iha realidade ninia aman la-mai atu lori nia ba uma. Alberto gosta liu aprende atu estuda barak. Nia gosta siénsia natureza, liu-liu fízika, geografia, no biolojia. Siénsia sira ne'e intersante hotu ba nia. Nia mós gosta hakle'an siénsia kona-ba relijiaun Katólika no B...