ORASAUN PODEROZA

 

Ha’u rekoñese no deklara katak, Jezús mak Nai Maromak ba akontesimentu hotu, kondisaun no difikuldade hotu loron ohin nian. …no bainhira ema foti Ha’u hosi rai, Ha’u sei dada ema hotu mai Ha’u (João 12:32).

Iha Nai Jezús Kristu nia naran, tanba ho Nia forsa no Nia Raan Poderoza ne’ebé nakfakar iha Ai-Krúz, ne’ebé fó ba ha’u nu’udar Katóliku disípulu Kristu nian:

Ha’u kesi no rejeita forsa hotu diabu akartatór, estanus, diapolos, agorlejiaun, no ha’u haruka ó satanas atu sai hosi ha’u-nia isin, klamar no espíritu, sai hosi ha’u-nia membru família, no sai hosi uma ida-ne’e. No ha’u tau karimbu santu hodi hasantu ha’u-nia membru família ida-ne’e ho Raan redentór Nai Jezús Kristu nian. Ha’u rejeita governasaun sira, líder sira, xefe sira mundu nian ne’ebé nakukun, no espíritu aat sira iha anin, iha ahi, iha bee, iha ar, iha rai, iha depoisde mate, no iha forsa aat sira hotu ne’ebé eziste iha mundu ne’e. Ha’u hatohar no harahun espíritu aat sira iha fatin ne’e. Ha’u kesi no rejeita espíritu sala fo’er, espíritu ansioza, luxúria, adorasaun ídolus, májiku, inimijade, disputa, inveja, raiva/si’ak, espíritu buka di’ak ba an rasik, malignu, destruisaun, malísia, lanu-teen, festa merda (Gal 5: 19-21), esperiénsia moruk sira, kanek sira interiór nian, espíritu ódiu, ipokrizia, vaidade, arogánsia, perturbasaun, destruisaun, aflisaun, asustadu, desobidiénsia, duvidozu, indesizaun, mentiroza/bosok-teen, ofensa, sala fo’er, baruk-teen, la iha esperansa, depresaun no oho an. Ha’u kesi no rejeita buat hotu ne’ebé haboot espíritu aat no buat hotu ne’ebé iha ligasaun ho buat aat sira. Ha’u hatohar no harahun buat hotu ne’ebé hakesi an ho adviñasaun, astrológu, májiku, adorasaun satanas, no forsa aat teritóriu nian, feitiseiru, no tipu jogu hotu ne’ebé ho lisan nakukun no sala. Ha’u hatohar no harahun sala no ninia konsekuénsia sira-ne’ebé mai hosi ami-nia beiala sira ka ema seluk iha ami-nia pasadu no ohin loron ne’ebé domina ha’u ho dalan ne’ebé la tuir Maromak nia vontade. Ha’u hatohar no harahun malisan hotu ne’ebé akontese iha ha’u. Ha’u hatohar no harahun espíritu aat hotu no moras hotu ne’ebé ema haruka ba ha’u.

Mai ona ba Espíritu Santu, hakonu iha ami-nia fatin sira iha uma ida-ne’e nia laran no sorin-sorin, hosi sikun ida ba sikun seluk, no hosi kraik ba letan uma ne’e nian. Santu Miguel, Santu Gabriel, Santu Rafael, no santu Arkanju sira hotu hamutuk ho Inan Maria, mai ona ba, hodi hamutuk ho ha’u funu hasoru buat aat sira tantu haree no la haree, hahí no hanai ba Nai.

Maromak mak ha’u-nia foho-fatuk, fatin ha’u proteje ha’u an, iha-ne’ebé hanorin ha’u-nia liman atu luta no ha’u-nia liman fuan sira atu halo funu hasoru buat aat sira tantu mai hosi ha’u-nia an no mai hosi liur, tantu haree no la haree. Ita-Boot mak ha’u-nia sidade fortaleza uma defeza, ha’u husu tulun hosi anju santu sira hotu, santu Señor, sai ha’u-nia eskudu no defeza atu funu hasoru espíritu aat sira.

Ha’u husu sira-ne’e hotu iha Nai Jezús Kristu nia naran, iha Espíritu Santu nia naran ho forsa hosi Nia Liafuan, ho forsa no poder hosi Nia Raan Santu, ne’ebé fó ona ba ha’u nu’udar Katóliku disípulu Kristu nian. Amén.